Մեր կենտրոնը մասնագիտական կրթության հարթակ է, որտեղ համադրվում են տեսական գիտելիքը, գործնական փորձը և ժամանակակից բժշկության միջազգային մոտեցումները։ Յուրաքանչյուր դասընթաց նպատակ ունի մասնակցին փոխանցել ոչ միայն նոր տեղեկատվություն, այլև գործնական հմտություններ, մասնագիտական վստահություն և առավել բարձր մակարդակի կլինիկական մտածողություն։

Dashtoyan Training Center-ում ուսուցումն իրականացվում է փորձառու տեղական և միջազգային մասնագետների կողմից, ովքեր ներկայացնում են ժամանակակից բժշկության առաջատար մեթոդները և արդի տեխնիկաները ։ Դասընթացները ներառում են ինչպես տեսական, այնպես էլ գործնական փուլեր՝ հնարավորություն տալով մասնակիցներին աշխատել ժամանակակից բժշկական սարքավորումներով և, անհրաժեշտության դեպքում, ներգրավվել իրական կլինիկական դեպքերի ուսումնասիրման և գործնական գործընթացում։ 

Մենք մեծ կարևորություն ենք տալիս ուսուցման որակին և արդյունավետությանը, ուստի դասընթացները կազմակերպվում են փոքր խմբերով։ Սա հնարավորություն է տալիս ապահովել անհատական մոտեցում յուրաքանչյուր մասնակցի նկատմամբ, ստեղծել անմիջական կապ դասախոսի հետ և ձևավորել այնպիսի կրթական միջավայր, որտեղ բժիշկը կարող է ոչ միայն լսել, այլև հարցնել, վերլուծել, փորձարկել և կատարելագործվել։ Քայլ առ քայլ կառուցված ուսուցումը նպաստում է հմտությունների ամրապնդմանը և գիտելիքի լիարժեք կիրառմանը պրակտիկայում։ 

Մեր նպատակը պարզապես դասընթացների կազմակերպումը չէ։ Մենք ձգտում ենք ձևավորել մասնագիտական միջավայր, որտեղ բժիշկները զարգացնում են իրենց ներուժը, ընդլայնում իրենց մասնագիտական հնարավորությունները և ձեռք բերում այնպիսի գիտելիք և փորձ, որոնք հետագայում վերածվում են ավելի ճշգրիտ աշխատանքի, ավելի վստահ որոշումների և առավել բարձրորակ բուժօգնության։ 

Dashtoyan Training Center-ը նախատեսված է այն բժիշկների համար, ովքեր արժևորում են շարունակական կրթությունը, ցանկանում են տիրապետել նոր տեխնիկաների, հետևել մասնագիտական նորություններին և զարգանալ միջազգային չափանիշներին համահունչ։